હાથે લખેલા ઉત્તરપત્રો, મિનિટોમાં ચેક.

ClassPulse તમારા આખા વર્ગના ઉત્તરપત્રો પ્રશ્ન પ્રમાણે ચેક કરે છે. પેપર તપાસવામાં જતા કલાકો બચે છે, અને વર્ગ ક્યાં અટકે છે તે સ્પષ્ટ દેખાય છે.

આ કઈ રીતે કામ કરે છે

1. પ્રશ્નપત્ર અપલોડ કરો. અલગથી આન્સર કી બનાવવાની જરૂર નથી — માર્કિંગ સ્કીમ તમારા જ પેપરમાંથી બને છે.
2. વિદ્યાર્થીઓ પોતાના પેપરનો ફોટો મોકલે છે. કશું ઇન્સ્ટોલ કરવું પડતું નથી. અથવા સ્ટાફ એકસાથે સ્કેન કરી આપે.
3. એ જ દિવસે માર્ક્સ અને ફીડબેક. દરેક પ્રશ્ન પર, દરેક વિદ્યાર્થી માટે.
4. છેલ્લો નિર્ણય તમારો. શિક્ષક મંજૂરી ન આપે ત્યાં સુધી કોઈ માર્ક વિદ્યાર્થી સુધી જતો નથી.

ગુજરાત બોર્ડનું પેપર, એની જ રીતે

GSEB નું પેપર અને CBSE નું પેપર એકસરખાં હોતાં નથી. માર્કિંગ સ્કીમ તમારા જ પ્રશ્નપત્રમાંથી બનતી હોવાથી ધોરણ ૧૦ કે ૧૨ નું બોર્ડ પેપર એની પોતાની રચના પ્રમાણે ચેક થાય છે — બીજા બોર્ડના ઢાંચામાં બેસાડવામાં આવતું નથી.

ગુજરાતી લખાણ પણ વંચાય છે

ગુજરાતીમાં લખેલા જવાબ સીધા વંચાય છે. અને વિદ્યાર્થીઓ ખરેખર જેમ લખે છે — ગુજરાતીમાં સમજૂતી અને વચ્ચે અંગ્રેજી પારિભાષિક શબ્દો — તે પણ સામાન્ય છે, અપવાદ નહીં.

માર્ક્સ કઈ રીતે અપાય છે

• સ્ટેપ માર્કિંગ. રીત સાચી અને ગણતરીમાં ભૂલ — તો રીતના માર્ક્સ મળે છે, જેમ બોર્ડનો પરીક્ષક આપે.
• આગળ લઈ જવાયેલી ભૂલ. શરૂઆતનો એક ખોટો આંકડો પછીના બધા માર્ક્સ ખાઈ જતો નથી.
• દરેક માર્ક પાછળ પુરાવો. ઉત્તરપત્રની જે લીટી એ માર્કનું કારણ છે એ જ બતાવવામાં આવે છે.
• લેબલવાળી આકૃતિ વંચાય છે. લેબલ વગરની મુક્ત હસ્ત આકૃતિ એ એકમાત્ર વસ્તુ છે જેના પર નિર્ણય લેવાતો નથી — એ પ્રશ્ન શિક્ષક પાસે પાછો આવે છે.

ખર્ચ કેટલો?

પહેલું પેપર મફત — તમારા જ વિદ્યાર્થીઓના અક્ષરો પર, કશું નક્કી કરતાં પહેલાં. પછી કેટલાં પાનાં ચેક થયાં એ પ્રમાણે, દર મહિને, સેટઅપ ફી નહીં અને બંધન પણ નહીં. વિગત અહીં.